बुटवल । बुटवल १५, ढवाहा रुपन्देहीमा अवस्थित, नेपालकै पहिलो स्कुटल यस वेस्टर्न मेगा कलेजले रक्तदान कार्यक्रम सम्पन्न गरेको छ ।
गर्मी मौसममा बढ्ने डेंगु, मलेरिया जस्ता अन्य रोगका कारणले हाल रुपन्देही लगायत देशभरमा उच्च रक्त अभाव भएको अवस्थालाई मध्यनजर गर्दै रगतको परिपूर्ति गर्नका लागि रक्तदान कार्यक्रम गरिएको र कलेजले आफ्नो नैतिक र समाजिक उत्तरदायित्व अनुरुप विद्यार्थीको पठनपाठन सहित समाजिक उतरदायित्वका कार्यहरुलाई समानान्तररुपमा लैजाने निति अवलम्बन गरेको कलेजका प्राचार्य अधिवक्ता किसु शर्माले जानकारी गराए ।
उक्त रक्तदान कार्यक्रममा कलेजमा अध्यनरत विद्यार्थी, शिक्षक कर्मचारी लगायत आरम्भ ग्रुप अफ हस्पिटालिटी लिमिटेडमा कार्यरत कर्मचारीहरुले रक्तदान गरेका थिए ।
उक्त कार्यक्रममा ६० पिन्ट रगत संकल्न भएको थियो । उक्त रक्तदान कार्यक्रम कलेजको अतिरिक्त क्रियाकलाप संयोजक सौगात लामिछाने तथा कल्पना न्यौपानेको संयोजकतामा सम्पन्न भएको थियो ।
