माधव पौडेल,
पाणिनी । अर्घाखाँची जिल्लाको पाणिनी गाउँपालिका १ पणेना सिम्लेमा अवस्थित धार्मिक तथा पर्यटकीय स्थल श्री शिवशक्ति आश्रम कैलाश डाँडामा श्री ब्रम्हा बैब्रत महापुराण २२औं ज्ञानयज्ञमा दैनिक सयौँ भक्तजनहरूको उपस्थिति रहेको छ ।
यही मिति असोज २५ गते देखि सुरु गरिएको महापुराण असोज ३१ गते सम्म संचालन हुने छ । महापुराणमा लक्षहोम साथै सामूहिक व्रतबन्ध पनि सञ्चालन गरिने पूजा सञ्चालन समितिले जनाएको छ ।
महापुराणमा कथा प्रवचन गुरु लक्ष्मी नारायण मरासिनी बाट हुनेछ । २०३१ सालमा एउटा सालको वोट मुनि शिव र पार्वतीको सिला फेला परेको र त्यसपश्चात निरन्तर मन्दिरमा पूजा पाठ गर्न थालिएको थियो ।
वर्षौ पहिले देखि निरन्तर हुँदै आएको यज्ञ विश्वभरि फैलीएको कोरोन भाइरसको संक्रमण कारण दुई वर्ष देखि हुन सकेको थिएन। यज्ञमा पाणिनी गाउँपालिकाका धेरै जसो विद्यालयबाट विधार्थीको उपस्थिति रहँदै आएको छ । यज्ञमा विभिन्न विद्यालयका जेहेन्दार विद्यार्थीहरुलाई पुरस्कार वितरण समेत गरिँदै आइएको छ ।
