रसुवा बाढी : ६१६ शव फेला, २ हजार ३०१ जनाको उद्धार

समाचार पोष्ट

२०८३ भदौ १३ गते १०:०६

समाचार सारांश

भोटेकोशी बाढीमा परी हालसम्म ६१६ जनाको शव फेला परेको छ।
विभिन्न जिल्लाबाट गरी २ हजार ३०१ जनाको सकुशल उद्धार गरिएको छ।
प्रहरीले बाढी प्रभावित स्थानहरूमा खोजी तथा उद्धार कार्य जारी राखेको छ।

काठमाडौं । रसुवाको भोटेकोशीमा १० भदौमा आएको विनाशकारी बाढीमा परी बेपत्ता भएकामध्ये ६१६ जनाको शव फेला परेको छ ।

नेपाल प्रहरीका अनुसार शनिबार बिहान ७ बजेसम्म बेपत्तामध्ये ६१६ जनाको शव फेला परेको छ ।

जस अनुसार रसुवामा १३, नुवाकोटमा ४१, धादिङमा ४५, चितवनमा २३३, गोरखामा ४८,तनहुँमा ३१, नवलपरासी पूर्वमा १५८ र नवलपरासी पश्चिममा ४७ जनाको शव फेला परेको हो ।

प्रहरीका अनुसार विभिन्न स्थानबाट अहिलेसम्म २ हजार ३०१ जनाको उद्धार गरिएको छ । जसअनुसार रसुवाबाट ६७६,नुवाकोटबाट १ हजार ६२२ र धादिङबाट ३ जनाको उद्धार गरिएको छ ।

प्रकाशित मितिः भदौ १३ शनिबार, २०८३, १०:०६ बजे