अर्घाखाँची । नेपाल प्रेस युनियन अर्घाखाँचीका सह–सचिव हलिम खानलाई पितृशोक परेको छ।
उनका पिता तथा ‘जुनकिरी दाई’का नामले परिचित अर्घाखाँचीका प्रतिष्ठित व्यवसायी जुल्करिम मियाँको ६७ वर्षको उमेरमा बुधबार काठमाडौँस्थित अन्नपूर्ण अस्पतालमा उपचारको क्रममा निधन भएको हो।
जुल्करिम मियाँ लामो समयदेखि व्यापार व्यवसायमा सक्रिय रहँदै आएका थिए। स्वर्गिय मियाँ काँग्रेसका प्रतिबद्ध नेता समेत थिए । उनको निधनप्रति जिल्लाका पत्रकार, व्यवसायी तथा विभिन्न संघ–संस्थाका प्रतिनिधिहरूले गहिरो दुःख व्यक्त गरेका छन्।
परिवारीक स्राेतका अनुसार मियाँको पार्थिव शरीरलाई अर्घाखाँची ल्याई धार्मिक परम्परा अनुसार अन्त्येष्टि गरिनेछ।
